Descubrindo África: Imos de Safari.

Cando descubrimos a cantidade de safaris que hai para realizar en África e todo os que nos permiten ver, decidimos que esta semana íamos realizar un!

Todo comezou tras a pregunta... Que é un Safari?  Antes de buscar a información, fixemos unha ronda de ideas, para averiguar o que os peques pensaban que era un safari e o que sabían sobre eles. As respostas dos nenos/as:

- Un safari é unha viaxe que facemos entre os animais-  -Claro, e faise para sacar fotos- - Si, e vamos montados nun coche grande para que non nos coman- - Claro e para ir mas rápido que eles se nos perseguen- 

E así, grazas as súas ideas tíñamos máis ou menos unha idea clara do que era. Agora tocaba INVESTIGAR buscando información.

"Un safari é unha expedición ou viaxe que se leva a cabo en algunhas rexións de África para ver e fotografiar animais"

E que roupa temos que levar de safari?

                         

Unha vez que tíñamos claro o que era realizar un safari e que tíñamos que levar na maleta, pensamos... a que parte de África imos?  Buscamos información nunha axencia de viaxes, podíamos elexir: 

http://www.catai.es/destinos/viajes/kenia.html

- Ruta Massai: visitando  Nairobi, Samburu, Aberdare, Lago Nakuru.

- Safari Jambo: Nairobi, Amboseli, Tarangire, Serengeti, Ngorongoro.

- Buscando al rey león: Nairobi, Lago Nakuru, Masai Mara. 

-  Safari Kilimanjaro: Nairobi, Massai Mara, cráter de Ngorongoro e Kilimanjaro.

Tras a votación decidimos realizar o safari Kilimanjaro. 

Vemos o itinerario e buscamos información sobre cada un dos sitios que visitaremos: 

                       

Día 1: España-Nairobi. 

              Nairobi é a capital e maior cidade de Kenia, que é o primero país que imos visitar. 

Día 2: Nairobi- Samburu.

            Aquí visitaremos a Reserva Nacional de Samburu. 

Día 3: Nairobi- Aberdare.

                Iremos en vehículos especiais hacia as colinas dos montes de Aberdare, para observar    diferentes animales. 

Día 4:  Aberdare- Lago Nakuru- Lago Naivasha

              Iremos en vehículos especiais ao Gran Valle do Rift e ao Lago de Nakuru, paraíso de aves acuáticas e refuxio das dúas especies de rinoceronte. 

 Día 5:  Lago Naivasha - Masai Mara

           Dirixirémonos as inmensas llanuras de Massai Mara onde encontraremos a grandes manadas de ñus, cebras, antílopes, gacelas... 

Día 6: Masai Mara

        Coñeceremos a cultura Massai dos Massai Mara.

Día 7:  Nairobi - Amboseli

          Chegamos a Amboseli e podemos obsevar no safari os paisaxes do Kilimanjaro.

Día 8: Amboseli - Lago Manyara
         Chegamos a Tanzania e visitamos o lago Manyara.

Día 9: Manyara - Serengeti.

        Visitamos o Parque Nacional de Serengeti. 

Día 10: Serengeti- Cráter do Ngorongoro.

          Visitamos o Cráter do Ngorongoro, unha área en conservación onde podemos encontrar nove volcanes, dos cales tan só un deles está activo.  

Día: 11 Cráter do Ngorongoro- Nairobi- Viaxe de regreso a España

          Regresamos a España. 

Unha vez que trazamos o itinerario e temos claro o que imos ver, precisamos buscar os transportes nos que iremos dende Carballo ata Nairobi.

                     

     

Estamos traballando nelo, polo que vos contaremos no seguinte post. 

 Ata a próxima. 

Iniciación á lecto-escritura: letra O.

Continuamos traballando as vogais en relación as tarxetas foto-silábicas que relacionan cada unha das vogais cunha foto dun animal Africano.

Estas semanas repasamos a letra I de Impala e agora comezamos coa letra O de Okapi.

               

Os Okapis viven nas selvas Africanas, recorda pola súa forma as xirafas e nos cores, as cebras. 

Aquí traballamos a grafía das letras I e O, así como as formas: círculo e cadrado. 

Quérote mami!

Tras realizar en grupo un mural sobre a sabana Africana, decidimos que como detalle para o día da nai realizaríamos uns manteis nos que estamparíamos unha paisaxe da sabana. Buscamos as cores mais representativas desta e un debuxo dunha familia de elefantes que nos gustou; e coa axuda dos rodillos, así realizamos o estampado nestes manteis.

Esperamos que vos gustaran moito!

Ata a próxima. 

Concurso Mellor Periodista Infantil e Xuvenil.

O programa Prensa-Escuela convoca unha nova edición do Concurso Mellor Periodista Infantil e Xuvenil, un certame que ten como obxectivo familiarizar aos estudantes galegos coa lectura e manexo do periódico e axudarlles a desenrolar a súa capacidade de expresión e redacción.
Aquí podedes encontrar as bases de dito concurso:

http://www.prensaescuela.es/participa/concursos/201-concurso-mejor-periodista

En estradas anteriores víchedes que estivemos investigando sobre o Cuco a raíz de ler esta noticia na prensa:

http://www.lavozdegalicia.es/noticia/lavozdelaescuela/2015/03/11/buscamos-noticias-cucobr-/00031425510814288713235.htm

Seguimos a pista a ver onde se escoitaba o primeiro Cuco este ano; e finalmente lemos que foi en Chantada; tal e como narra a noticia publicada na Voz de Galicia:

http://www.lavozdegalicia.es/noticia/lavozdelaescuela/2015/04/07/ano-primer-cuco-escucho-chantada/00031427924251697157474.htm

Esta foi a noticia elixida para os nosos debuxos, esperamos que vos gusten.

Día internacional do libro: creamos o noso propio conto viaxeiro e elaboramos uns fermosos marcapáxinas.

O 23 de abril conmemorase o día internacional do libro, polo que durante toda esa semana adicamos as sesións a diferentes traballos nos que fomentamos a iniciación, o gusto pola lectura e a competencia en comunicación ligüística.

Para celebrar este día na escola pensamos en elaborar un conto viaxeiro.
Como estamos aprendendo as letras, falando cos peques decidimos facer o noso propio abecedario foto-silábico; igual que fixemos coas vogais, que asociamos cada unha delas a un animal de África.

Investigamos... Buscamos información sobre diferentes animais do Continente Africano, e  asociamos cada letra do abecedario cun animal, cuxo nome empezaba por esa letra.

Elaboramos... Cada unha das letras da A á Z se corresponden cun animal Africano que coloreamos e pegamos nunca cartulina con forma do Continente Africano.
Así foi como o elaboramos.

 

E este foi o resultado final...

Así foi como realizamos a presentación do noso conto viaxeiro, que recorrerá dentro de pouquiño as nosas casas, na biblioteca do centro. 

E aproveitamos para cantar a canción do abecedario.

Para finalizar dita conmemoración, realizamos estes marcapáxinas.

Ata a próxima!.

Saída á Biblioteca Pública Municipal Rego da Balsa.

O martes día 21 de abril aproveitamos que estábamos a celebrar a semana do libro na aula e realizamos unha saída a nova Biblioteca Pública Municipal de Carballo,  Rego da Balsa.

Pasámolo en grande!.

Aquí tedes o enlace a páxina web da biblioteca:

 https://bibliocarballo.wordpress.com/

Chega a primaveira, e o cuco?.

O día 21 de marzo da comezo a primaveira, estación que trae consigo o fin das choivas e do frío característico do inverno. Os días son moito mais longos e mais luminosos, os sons da primaveira son diferentes aos do inverno, agora despertamos e escoitamos aos paxaros que xa regresaron das súas migracións. As flores volven a crecer e as cores do entorno volven a recuperar o seu verde, cor predominante nos campos, nas árbores;  pero tal e como falábamos hoxe na asamblea, iso en Galicia non pasa ata dentro dun tempiño. Aquí o cambio de estación vai moito máis lento que en outros lugares de España, e sobre iso estivemos falando e investigando esta mañá.

Xa o refrán di: "cuando el cuco llega entonces es primavera; si el cuco no llegó es que la primavera no comenzó".

• Investigamos: onde pasan os cucos os invernos?. Para así poder entender este refrán. 

Os cucos pasan os invernos na zona do sur de África, igual que as golondrinas, porque no tempo que aquí é inverno, alí fai sol e calor e por iso marchan cara o bo tempo. Logo nas primaveiras regresan, así que hoxe aprendemos o que significa: migrar.  As zonas que teñen a cor rosa claro e que están no sur de África, son os lugares onde o cuco pasa os invernos.

Lemos tamén un artigo da Voz de Galicia que nos invita a buscar información sobre os cucos que chegan nestes primeiros días de primaveira a Galicia. En dito periódico, comezaron en 2013 unha campaña de recollida de información sobre a especie do cuco en Galicia. Dita campaña foi moi exitosa polo que tanto o ano pasado coma este, continúan coa investigación; así que na clase falamos de que se vemos un cuco nas próximas semanas apuntaremos o nome de quenes o escoitamos, a hora, data e lugar; e cantos exemplares cantaban para logo, envíalo a esta dirección: prensa-escuela@lavoz.es

Aquí podemos ver a noticia completa: 

http://www.lavozdegalicia.es/noticia/lavozdelaescuela/2015/03/11/buscamos-noticias-cucobr-/00031425510814288713235.htm

E aquí podemos ver os avistamentos de aves na zona de Galicia: http://sgo.cesga.es/aves/htdocs/

Polo que agora estaremos moi atentos a ver si vemos ou escoitamos o cuco. Pero...

• Investigamos: cal é o sonido cuco?.

CU cu Cu cu Cu cu, este é o son do cuco. É por isto é polo que hai un tipo de reloxos que se apodan: de cuco.
Por que?:  Este tipo de reloxos teñen un cuco que sae da súa casiña cando se produce un cambio de hora: a unha en punto, as dúas en punto, as tres en punto, e así sucesivamente ata as doce. Curiosidade: o cuco sae da súa casiña tantas veces como o número de hora que marca. Se son as seis sae seis veces. Se o escoitamos dende calquera habitación da casa, contando os cucos que fai, sabremos que hora é.

Pasámolo en grande imitando o cuco e marcando horas coma se fósemos un reloxo.

Por último, fixemos estas fichas nas que traballamos a lóxico-matemática contando o número de elementos relacionados coa primaveira que se encontraban en cada cadrado, e outra na que coloreábamos as 8 en relación ao que marcaba ó reloxo de cuco.  Tamén traballamos a lectoescritura, recoñecendo as letras que compoñen a palabra primaveira e realizando como sempre ao finalizar a ficha, a grafía do seu nome.

E a manualidade desta fermosa mariposa!

Ata a próxima!.